ماجىلىستەگى «اۋىل» پارتياسى فراكتسياسىنىڭ دەپۋتاتتارى اناس باققوجاەۆ پەن تاڭساۋلە سەرىكوۆ ايماقتارعا ساپارى كەزىندە قىزىلوردا قالاسىنداعى «كۆانت» زاۋىتىندا بولدى. بۇل – قالاداعى ءىرى ءوندىرىس ورىندارىنىڭ ءبىرى, دەپ جازادى Egemen.kz.
دەپۋتاتتار زاۋىتتىڭ قازىرگى تىنىس-تىرشىلىگىمەن تانىسىپ, جۇمىسشىلارمەن كەزدەستى. اڭگىمە بارىسىندا حالىق قالاۋلىلارى ماجىلىستەگى زاڭ شىعارۋ قىزمەتى تۋرالى, سونىڭ ىشىندە الەۋمەتتىك-ەكونوميكالىق باعىتتا قابىلدانىپ جاتقان زاڭدار تۋرالى اقپارات بەردى. 5 مىڭ شارشى مەتردى قامتيتىن كاسىپورىن تولىقتاي اۆتوماتتاندىرىلعان جۇيە نەگىزىندە جۇمىس ىستەيدى. مۇندا 100 دەن استام مەتالل تۇرلەرى وڭدەلەدى.
«ەلدەگى ءوندىرىس سالاسىن دامىتۋ ءۇشىن وسى «كۆانت» سياقتى زاۋىتتارعا باسا كوڭىل بولۋ كەرەك. وسىنداي كاسىپورىنداردى كوبىرەك قولداۋدى ۇسىنامىن. ويتكەنى ونىڭ ەل ەكونوميكاسىن ارتتىرۋعا قوساتىن ۇلەسى زور», دەدى اناس باققوجاەۆ.
ال تاڭساۋلە سەرىكوۆ «كۆانت» زاۋىتىنىڭ باسەكەگە قابىلەتتىلىگىن ارتتىرۋدىڭ, ءوندىرىس ورىندارىنىڭ ىشكى نارىقتاعى بەلسەندىلىگىن كۇشەيتۋدىڭ ماڭىزدىلىعىن اتاپ ءوتتى. سونىمەن قاتار ساتىپ الۋ جۇيەسىن جەتىلدىرۋ ارقىلى وتاندىق زاۋىتتاردىڭ دامۋ قارقىنىن ايتارلىقتاي ارتتىرۋعا بولاتىنىنا نازار اۋداردى.